افكار رمضانية ...... وخلى رمضانك أحلى ... ♥

بسم الله الرحمن الرحيم  ...

رمضان   السنه دى مختلف جدا جدا ... وبالذات فى مصر اول رمضان من غير مبارك 

لا انا مش مصدق .... حاجه ولا فى الاحلام اننا نشوف هلال رمضان من غير مايكون مبارك رئيس 

حاجه كان نفسى فيها من زمان انى اشوف رئيس جديد لمصر وانا عايش ... ويكون فى رئيس سابق 

حاجه حلوة خالص .......ههههههههههههههه

المهم رمضان السنه دى عايزينه يبقى مختلف جدا ... يبقى بجد بداية تغيير فى نفسنا 

نحاول نعمل حاجات  صح مش حاجه واحده نحاول نبقى مسلمين صح ... مش فى البطاقة وبس  ^_^

وان شاء الله بالقوه والعزيمه والارادة نقدر نعمل المستحيل ... نقدر نغير مش نفسنا وبس نقدر نغير كل شىء قبيح

بس المهم الصبر والارادة والتدريب ..... لازم نحاول ونحاول ونحاول ونحــــــــــــــــــــاول ...!

فى كل مرة هانلاقى نفسنا احسن من الاول وفى كل مرة هانتغير شويه 

لحد مانوصل للافضل ونبقى عباد الله فى الارض حقا لنعمرها ونعبده سبحانه 

ولن نكون عابر  سبيل من بعد اليوم ......... ووحشتونى من اخر مره قابلتكم فيها ..

ورمضان كريم 

وبالمناسبه دى ... غير بروفايلك بالحاجات دى ... يارب تعجبكم  ... ^_^

بالعافيه او بالذوق ... هاتحبينى مووت ♥ :)

بحبك .. اه بحبك .... ايه مستغربه ليه

هو انا قولت حاجه بعيدة عن عنيكى ومش حساها

ولا قولت كلام بلغه العيون ولكى انت ليس مفهوم 

بجمالك هذا كيف تتصورين ان قلبى فى يوم لن يلين

يخضع لضربات متلاحقه ... تزداد اكثر واكثر عندما اكون معك

يالكى من انسانه جاحده .. لاتبادلينى الشعور او حتى تشعرين

لماذا كل هذا ... هل لانك علمتى ان قلبى اصبح لكى

فتحبين ان تسيطرى اكثر عليه ...!

لو هذا هو الشىء الذى يجعلك هكذا...

احب اقولك ان فترات قلبى قاربت على النهاية 

فلكل فترة فى قلبى وقت محدد ... اذا مضى الوقت

فقلبى لا يحتفظ بشىء بداخله لفترة اكثر...

ولذا احب ان تلحقى بالعرض السارى 

وان تحبينى لان لا مجال لاخر يدخل عالمك 

لانى اعلم انى عالمك ... انى حياتك وروحك

ايتها الجميلة ... لا مفر من حبك لى 

اعلم انك تحبينى ... فلا تتجاهلى الحكاية .. وكإنه لا يوجد شىء

كلامى الاخير ... ان لم تحبينى ..فقلبك هذا حقير 

لانه مجرد من المشاعر والاحاسيس

اشطه ... مستنى بقى كلمه احبك ..:D يا حبيبتى 

قلوبنا تتقابل ...فلماذا الفرقه

جوايا ... كلام كتير ... ورسايل مابتوصلش ...!

جوايا كلام كتير ... ورسايل مابتوصلش ... ياترى الشبكه واقعه 

ولا دا عيب فى الخط ..... عايش فى دنيا كئيبه .. مليانه كدب وزيف ... لكن جوانا احنا موجودة كل حقيقه

حاجات كتير بنبقى عايزين نعلمها ... بس مابتحصلش ...وكلام كتير بنبقى عايزين نقوله ومابيوصلش 

هو ليه كدا .....؟

ليه لما نبقى بنحب حد بجد .. بنخاف نصارحه بحقيقة مشاعرنا ..تجاهه 

ياترى .. دى قلة ثقه فى نفسنا ولا بنخاف من الرد 

حاجات كتير فى الدنيا دى بتحيرنى ... وافعال بنعملها وبنبقى مستغربين هو ليه كدا ...

ليه بنشيل جوانا ... حاجات ممكن نعملها بس مابنعملهاش ... بيبقى خوف مثلا ..بيبقى قلة ثقه .. بيبقى انك مش عايز تكره الشخص دا لو طلع لايبادلك نفس الشعور .... 

او مثلا فى احلام جوانا .. فى ايدينا نحققها .. لكننا مابنسعاش اننا نعملها ...

كل انسان بيسأل  نفسه دايما ... انا عايز ابقى ايه ..؟

بيصل لقرار معين بس مابيحاولش يبدأ ... طيب ليه ..؟

انا مستغرب نفسى جدا .... فى حاجات فى ايدى كتير .... بس مش بستغلها 

عجيبه الدنيا هذه ...............................................!

نعلم انها فانيه ونعلم اننا لسنا مخلدون فيها .... !

ولكننا نتكاسل ............ وتمضى الايام ...!

If you can dream it, you can do it

الجو ... حار .. نهارا .../|\ ... شديد الحراره ليلا ...

ايه الجو ده ... نار نار نار نار  ... 

الجو بقى نار .. وانا كنت اصلا زهقان .. جه هو وزودها كمان .. قرفنى اكتر مانا قرفان

قولت عادى خد من ده كتير دا كمان لسه فى الربيع ... امال فى الصيف هايحصل ايه ..؟

خبطت البرموده والكت .. وجريت ادور ع الشط ... افتكرت انى فى البحيرة مش اسكندريه ..

او فى بورسعيد راكب المعديه ... رجعت تانى قولت سهله ... الدش موجود والميه باردة 

نزلت تحته ماكنتش عايز اخرج ..

\/\/\/\/\/\/\/\/\//\/\/\/\/\/\/\//\/\/\/\/\/\/\/\/

انا تعبت من الجو ده زهقت ... شكلى هاقطع الاجازة وارجع بورسعيد ... اينعم انا قاعد فى اوضه قبلى .. بس سهله 

البحر قريب كلها 15 دقيقه وببقى ع البحر ... 

والنصيبه كمان النموس اللى مابيبطلش قرص فيا ده يخرب بيته .... حاجه قرف 

بس يالا الحمد لله .....:)

نار يا حبيبى نار

عيونها شريره تطاردنى ... فى كل مكان حتى فى نومى ..!

يخرب بيت العيون ..... فى عين سحرتنى النهارده
انها لعين شريره تطاردنى حتى فى نومى
زمان وانا فى ثانوى دا من كام شهر يعنى .... سحرتنى عين غابت معايا اسبوع ... بس اوعى وشك .. قدرات بقى تخلصت من السحر لانى ماكنتش حابه اصلا

والنهاردة ولاول مره ... لالالا اول مرة ايه ... لتانى مره ... 

سحرتنى عين شريره انها عين جامده دبابه ...سحرتنى وانا عيونى دول غلابه .. 

مقدروش وفجأة وبسرعه البرق بقت بتطاردنى فى كل مكان ... انظر خلفى او فى الامام ... اجدها امامى كخيال او اى كان

لم اعد او اتستطيع .. ان تحملها انها عيون زرقاء ... لا لا خضراء ... اظن انها عسلى 

او شديده السواد ... 

اصبحت مشتت حتى فى معرفه اللون ... حقا ... فالعين ساحره ...

وبلغه العيون تستطيع ان تفهم الشخص اللى واقف قدامك ... او تعرف اللى جوا عيون غيرك

لغه العيون ....

حينما يشتد بك التفكير ... فى امر يحيرك فقط انظر الى عيون من يحدثك فالسوف تجد الاجابه ... ولكن هل كل انسان يستطيع ان يقرأ هذه اللغه ...... ؟!

ساحره ..

مسجات .....................! ☻

الى المجلس الاعلى للقوات المسلحه .:

ايه ياباشا هو انتوا كمان يومكم بسنه ....

الى عمرو مصطفى ...:

ايه يامعلم شكلك وحش اوى وانته بتنافق عينى عينك كدا ..

الى الهضبة ...:

مورا حبيبى ... فينك يا راجل والله وحشتنى .....وحلوه .. مصر قالت .... بس هو انته قابلتها فين ؟...وقالتلك امته دا انته واحشه أوى !

الى محمد فؤاد ...:

فؤش ملك الرومانسية .. صعبت عليا قوى وانته بتقول .. لكل واحد غنيتله الدم دا دمى ....

عمرو اديب ...:

وحش الشاشه .. حبيب الملايين .. هو انته فاكر برنامج بدون رقابه .. ولا الحاجات دى ماعدتش عليك ..!

الريس ...الكبير ..:

باشا عم الشباب واللياقة ايه يامعلم ... ليك وحشه أوى ... بس شرم حلوه برضه ههههههه .. مش عارف سايبينك لحد دلوقتى ليه ..؟

وائل غنيم ..:

حبى .. ماتزعلش منى لو فى يوم قولت .. انى شاكك فيك ... انته مصرى يا معلم ومصرى اصلى كمان ...♥

عمرو خالد ..:

احب اقولك انته لو اترشحت للرئاسه فى ناس كتير هاتنتخبك ... لانك كنت مع الشباب من زمان وليك حاجات جميله جدا ..

كفايه كدا النهاردة الرصيد خلص .......  :D

بعد الانكسار .. هل يظل الحب ..........؟

عندما تجد نفسك وحيدا مكسورا هذا ما بعد الحب علمتنى الحياة ان اعيش بمفردى لاننى سأرحل عنها بمفردى ايضا.
دائما اجد نفسى فى عالم الحب وحيدا غير قادر على ممارسة الحب ليس عيبا فى من حولى ولكنه قدر رجل عاش حياته وهو يحب شخص ولم يقدر على نسيانه احببتها ولا اعلم ما بداخلها هل تحبنى؟ ام اننى سأصبح ذكرى ستقرأها فى كتاب الذكريات المتواجد داخلها .
هذا القدر تجاهلنى مرة وها هو يتجاهلنى مرة اخرى فقلبى اصبح شيخا غير قادر على الحب وان احب سيكون مريضا غير قادر على ممارسة فعل الحب لهذا قررت ان ابقى وحيدا مثلما قلت وسأعيش اطالع كتاب الذكريات ياحبيبتى نعم حبيبتى وستكونى حبيبتى الى ما لانهاية ....
الان وبعد كل هذا هل من الممكن ان احب مرة اخرى ان اعشق مرة اخرى هذا مستحيل بقدر حبى لكى كرهت الحب ولا اعتقد انه فى يوم من الايام ستجمعنا حياة اخرى فانتى من قضيتى على حياتنا ومزقتى احلامنا هل لكى من عودة محبوبتى؟ وحتى لو اجابتك نعم فانا ارفض رفضا قاطعا ان تعودى فعودتك ستكون بمثابة الانتحار لى فانا لا اعلم ماذا سيحدث اذا مزقتى احلامنا مرة اخرى ؟ لذلك اقول لكى انه الانتحار ياسيدتى وهنا قلمى قال لى يامن علمتنى الصمت عليك ان تصمت الان واترك كل شىء فهذه هى الحياة الست من قلت لى هذا ياصديقى انك ستعيش بمفردك وسترحل بمفردك

توقف ياقلمى
غدا صفحة جديدة ان شاء الله
محمد الشرقاوى
 ___________________________________________

صفحة محمد الشرقاوى على الفيس بوك اضغط هنا

دولة دينية ... دولة اسلامية... هل يوجد فرق....؟ لنرى.......•

بسم الله الرحمن الرحيم

والصلاة والسلام على سيدنا محمد اشرف الخلق اجمعين

فى هذه الايام تردد كثيرا .. مفهوم الدوله الدينيه والجماعات الاسلاميه والسياسة وعلاقه الدين بالسياسه

انا عن نفسى ارى ان اهل الدين الافضل لهم هو الدعوة ... والاهتمام بالشئون الدينيه

لان السياسه ... لعبة قذره ولا افضل ان يكون الدين طرف فى لعبة

لانه اسمى من اى شىء

وهناك كلمه سمعتها الايام الماضيه وهى 

ان الشيخ الشعراوى رحمه الله .. قال :: اتمنى ان يصل اهل السياسه الى الدين ولا يصل اهل الدين الى السياسه ::

وانا معه تمام فى الكلام ده .... ورحمة الله عليك يا شيخنا

وايضا ... الناس التى تدعو انهم لا يريدون دوله اسلاميه

فهناك فرق بين الدوله الاسلاميه والدوله الدينية ...

ولن اطيل عليكم فقد فسر لنا الشيخ يوسف القرضاوى هذا فى حوار له مع المصرى اليوم ...

وقال .......:

أكد الشيخ الدكتور يوسف القرضاوي، رئيس الاتحاد العالمي للعلماء المسلمين، أن الإسلام لا يعرف “الدولةَ الدينية” بالمفهوم الغربىّ، أىْ الدولة “الكهنوتية”، أو “الثيوقراطية”، التى تعتمد على “الحق الإلهى”، وتقوم على مناكب رجال الدين، الذين يتميزون عن سائر الجماهير بأنّ ما حلُّوه فى الأرض ,هو محلول فى السماء، وما عقدوه فى الأرض هو معقود فى السماء.

وقال القرضاوي في حوار عبر الانترنت مع صحيفة المصري اليوم، أن الإسلام لم يعرف فى قرونه الأولى- وهى خير القرون- وفى أيام ازدهار حضارته: نموذج الدولة الدينية التى عرفتها المسيحية، إنما عرف (الدولة الإسلامية)، وفرق كبير بين الدولة الدينية والدولة الإسلامية، دولة مدنية مائة فى المائة، ولكن تتميَّز بأن (مرجعيتها الشريعة الإسلامية)، ومن الضرورى أن نفهم هذه الشريعة فى ضوء اجتهاد فقهى صحيح، يجمع بين نصوص الشرع الجزئية ومقاصده الكلية.

وايضا كانت هناك كلمة اتمنى ان يقرأها الجميع بإهتمام ...•

وأضاف العلامة القرضاوي، “لا يجوز أن يؤخذ كلُّ ما خطَّه القدماء من أقوال واجتهادات جزئية كانت صالحة لزمانهم ومكانهم وبيئتهم، فنعتبرها صالحة بالضرورة لزماننا وبيئتنا. فقد أثبت علماؤنا: أن الفتوى تتغيَّر بتغيُّر الزمان والمكان والحال والعرف”.

اتمنى من الجميع التعليق على ما ورد فى هذا الموضوع ويجلب لنا رأيه ... او شىء يعرفه لعلنا نستفيد ..| 

والله زمان يا مبارك ........فينك وفين ايامك!

اولا التحية والتقدير لراعى الرياضه فى مصر والسرقة والنهب

الى السيد ... محمد حزنى مبارك 

الله يخرب بيتك ياشيخ ..... واحشنى جدا على فكره ... فينك ياعم شفت الزمالك عمل فى الاستاد اللى واخد ملايين الشعب فى عشبه  الاخضر

ياراجل دا احنا كنا بنصلح فيه اكتر ما نلعب عليه .... 

بس كله يهون واحشنى ياراعى الرياضه .... بس تصدق يا جدع الزمالكاويه دول طلعوا وحشين جدا ...

انا سمعت انك زملكاوى يا وحش ..... بقى  كدا نفع اللى عملوه الجماهير ده ...

انا اشهدلك يابرنس ان فى زمانك مافيش حاجه زى دى حصلت ... كنت شاكمهم يا جدع

بس الصراحه يعنى كان شكلهم زباله اوى ... انا مابقولش حاجه لاسمح الله 

كل اللى عايز اقوله ... ان فى تعليق محترم من واحد محترم تونسى الجنسيه ...قال برغم اللى حصل فى الملعب لكننا سنظل اخوه مع المصاروه (المصريين)

بجد راجل محترم انا قولت هايشتم ويسب ويلعن ... بس طلع راجل تمام وبأمانه يعنى جماهير الزمالك فضحونا ... وقال الاقرع عايز الدورى يرجع يرجع ايه يا عم هو انته فى ايه فى دماغك دى ....

انته جاتلك حاله مستعصيه من قلة الادب ... حاول تتعالج او تنتحر ... اشطه يعنى هاتاخد ايه من الدنيا يالا ياراجل من فوق كوبرى اكتوبر واقفز ...

والله العظيم انته واخوك دا .. ولاد ..(،،،،،،،،،،،،) 

يالا هى كلمه واحده بس عايز اقولهالكم ....

الله يحرقك يا شيخ انته واخوك ومعاكم حزنى مبارك ... جاتكم نصيبه يا أقرع 

عايز تعليقكم ع الصور دى 

سويقه فى ستاد القاهرة

الصعايده وصلووووو

قلباها معايا ... عناد .... والجو مش تمام ...!

من فوق الجبل ومن تحته .... لم ارى شىء

عدت للبيت منكسر ... وراكبنى الهم

دخلت الغرفه وفتحت النت ياعم

لاقيته فاصل يخرب البيت النحس

اتصلت بالشركه اشوف فى ايه ...

ردت عليا حته صوتها رقيق..

قولتلها النت فاصل ولسه هاطول..

قالتلى كلمنى كمان ساعه .. نشوف الحل ...

استغربت وقولت عادى مش مهم ...

كلمتها بعد ساعه ... وقولتلها لاقيتى الحل ..

قالتلى اسفه النت زى ماعندك فاصل عندى كمان

قولتلها احيه ... دا شغل استهبال ..

وقفلت السكه وقولت دا يوم باين من اوله ..

عديها وهو يوم وهايعدى ...

فجأة لاقيت المزه ع التلفون بترن ... الحظ لعب ... ومين قدى 

بتقولى ومن قبل الووووووو ...بحبك انا موووت

قولتلها وبكل تناكه ... وانا كمان يا حياتى ..

قالتلى  مش عارفه ليه بشك فى حبك..

قولتلها خلاص غورى يحرق دمك..

وقولت وانا كلى ثقه ... هاتتصل تانى .. اصلها بتحب اللكلكه

وفعلا وكما توقعت اتصلت تانى وقالتلى انا اسفه ياحبى ... بس دا كان مجرد شك

قولتلها ماشى تمام عاديها بس انجزى علشان عايز انام

قالتلى طيب تمام 

هاكون على كده اخر صوت فى ودانك وهاجيلك فى المنام

قولت طيب يلا سلام

عدت الايام والنت كان كتيان ...

والحياة مش تمام وانا مش عارف ليه زهقان ... 

وخلاص كدا تمام ... انا هامشى يلا سلام 

ودى كانت حوار تعبان....

اعذرونى اصل الدنيا قلباها معايا عناد ....

:)

دماغى اتقلبت.....

مولوتوف ....منى توف ...!

حلقة جامده من برنامج منى توف ... لمنى هلا 

كعادتها في تقديم البرامج الطريفة مثل " بالمقلوب " و" ربع مشكل " ولمبة شو " طلت علينا النجمة منى هلا بحلقة من برنامجها الجديد " منى توف " وسخرت فيها من النظام المصري السابق وحكومته .

بدأت منى في الحلقة بالحديث ساخرة من الاعلاميين الكبار زى عمرو اديب و الشيخ خالد الجندى و المغنين الكبار زى محمد نور و عمرو مصطفى و عمرو دياب

منى تووووف

نشوف الحلقة .... 

ان شاء الله ... هاتلاقى الطريق ....:)

الاغنية دى بحبها جدا .... 

ان شاء الله ... Insha Allah

ôôôôôôôôôôôôôô

Every time
You feel like you cannot go on
You feel so lost and that you're so alone
All you see is night
And darkness all around
You feel so helpless you can't see which way to go
Don't despair
And never lose hope
'Cause Allah is always by your side

Chorus:
Insha Allah
Insha Allah
Insha Allah
You'll find your way

Every time
You commit one more mistake
You feel you can't repent and that it's way too late
You're so confused
Wrong decisions you have made
Haunt your mind and your heart is full shame
But don't despair
And never lose hope
Coz Allah is always by your side

Chorus

Turn to Allah
He's never far away
Put your trust in Him
Raise your hands and pray
Ya Allah
Guide my steps, don't let me go astray
You're the only one who can show me the way
Show me the way
Show me the way
Show me the way

InshaAllah
InshaAllah
InshaAllah
We'll find the way
ôôôôôôôôôôôôôô 

في كل مرة
كنت تشعر وكأنك لا يمكن ان تستمر
تشعر أنك ضعت ..وبأنك وحيد
كل ما تراه هو ليل
والظلام في كل مكان
تشعر بالعجز حتى لم تتمكن من معرفة أي طريق تذهب
لا تيأس
ولا تفقد الامل

'السبب ( الله دائما الى جانبكم)

إن شاء الله
إن شاء الله
إن شاء الله
ستجد طريقك

في كل مرة
كنت ارتكب خطأ او أكثر
كنت تشعر بأنك لا تستطيع ان تتوب وان الوقت قد فات
كنت مشوش جدا
القرارات الخاطئة التي قمت بها
تطارد عقلك وقلبك هو عار كامل
ولكن لا تيأس
وتفقد الأمل أبدا
لان الله دائما الى جانبكم



عد إلى الله
انه ليس بعيدا ابدا
توكل به
ارفع بدك بالدعاء وصلى
يا الله
قد خطواتى ولاتدعنى الى الضلال
انته الوحيد الذى يمكن ان يدلنى الى الطريق
ارنى الطريق

ارنى الطريق

ارنى الطريق

إن شاء الله
إن شاء الله
إن شاء الله
سوف تجد طريقك

 

Lyrics: Maher Zain & Bara Kherigi
Melody: Maher Zain
Arrangement: Maher Zain & Hamza Namira
© Awakening Records 2009

خارج نطاق الخدمــــــــــــــة .....

عندما تشعر بان الدنيا لا تحتاج اليك ... وتعطيك ظهرها دائما

عندما تفقد احساسك بأنك موجود ... فى الحياة

عندما ....... لا تستطيع القيام بشىء تريده وكأن حدث لك فقدان وعى ..

عندما تذهب فى خيالك لمعرفه لماذا يحدث هذا فلا تجد له اجابه

هل خطأ منك ... ام انها امور مغصوب انت عليها


تشتت عقلى .. واصبحت .. ├ خارج نطاق الخدمه

..........................................................................•

هذا الرقم غير موجود بالخدمــــ ـ ـ ـ ـ ـه

 E.E.S

Hopelessness Over

الاهرام ...قلبت دنماركى .....

كلنا او مش كلنا شفنا الرسم الكاريكاتورى ... بتاع جريدة الاهرام و يتناول الرسم عدة مساجد بجوارها ثلاثة رجال تظهر عليهم هيئة الإسلام، وهم يقولون ''وإيه يعني......؟ ((حِزبنا)) الله ونعم الوكيل''، تهكما وتحريفا للآية الكريمة ''الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ''.

انا لا اعلم ماذا يقصد هذا الرسام وكيف لجريدة كبرى مثل الاهرام تنشر مثل هذا الرسم

طبعا اللى عايز يشوف الموضوع على جريدة الاهرام على الرابط التالى

http://www.ahram.org.eg/The-First/News/69742.aspx

وطبعا هذا المشهد نال صخط المعلقين سواء على موقع جريدة الاهرام او الفيس بوك

المهم انا عايز ارائكم على هذا الرسم الكاريكاتورى ....

الرسم الكاريكاتورى

E.E.S

Hopelessness OVer

مع كل ربيع جديد ....,

تحاول أن تعيد حساب الأمس
.. وما خسرت فيه .. فالعمر حين تسقط أوراقه لن تعود مرة أخرى
.. ولكن مع كل ربيع جديد سوف تنبت أوراق أخرى
.. فانظر الى تلك الأوراق التي تغطي وجه السماء
ودعك مما سقط على الأرض فقد صارت جزءاً منها




إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد.. لا تحزن على الأمس فهو لن يعود
ولا تأسف على اليوم .. فهو راحل
واحلم بشمس مضيئه في غد جميل

انطلق .....

E.E.S

Hopelessness OVer

الانتخابات الرئاسية والحوار الوطنى.....

بعد الاعلان الدستورى وبعد ما تبين ان انتخابات الرئاسة ستكون فى نهاية عامنا هذا قررت ان اكتب عن هذه الانتخابات التى ستكون نقطة فارقة فى تاريخ بلدى اتمنى ان تكون انتخابات غير تقلدية .
انا غير مهتم بمن سيخوض المعركة الانتخابية ولكن كل ما يشغل بالى سير العملية الانتخابية بداية من انطلاق الحملات الانتخابية وحتى اعلان نتيجة الانتخابات بفوز اى مرشح.
فأنا اعلم جيدا اننا لم نعش تجربة كهذه من قبل واعلم اننا حتى الان لانقتنع بالرأى والرأى الاخر لذلك خوفى كله من نشوب معارك بين جموع المرشحين ولذلك اتمنى ان تسود حالة الحوار فى المرحلة المقبلة وان يتبنى الاعلام حوارات بين انصار المرشحين وعمل المناظرات بين المرشحين نفسهم حتى نكون فى يوم التصويت مستعدون لبدأ حياة ديمقراطية مبنية على اسس ومبادىء تجعل المصرين متقبلين من ينجح , فنحن حتى الان لم نعرف من سيكون رئيس مصر فنحن مشتتون حتى الان .
ياشعب مصر العظيم هكذا قال المجلس العسكرى ان فرصتنا فى بناء دولة مؤسسات كبيرة جدا فنحن على مشاريف دولة تحترم العلم والقانون وانتخابات مجلس الشعب او الرئاسة المقبلة ستبين المرحلة القادمة بيضاء متفتحة ام سوداء فرصتنا للاختيار الان عظيمة كما قلت من قبل.
الان وبعد طول انتظار مصر تتحول من دولة ديكتاتورية يحكمها الامن والفاسدين الى دولة تبنى على اساس الحوار بين جميع الاطراف .
شاهدت اليوم اولى جلسات الحوار الوطنى فى مجلس الوزراء اتمنى ان يستفيد الشعب من هذا الحوار فرجال مصر جميعا مجتمعين فى حب مصر .

مصر الحرية

توقف ياقلمى
وغدا صفحة اخرى ان شاء الله
محمد الشرقاوى
___________________________________________

صفحة محمد الشرقاوى على الفيس بوك اضغط هنا

حوار من قبل الاستقرار .. والثورة ...(بين ابو الهول وتمثال الحرية) لــ محمد الشرقاوى

يااااااااااااااااااااااه ما هذا ابو الهول يتحرك من مكانه ويتجه ناحية مطار القاهرة وبالتحديد الى الطائرة المتجهة نحو نيويورك...... هذا لا يصدق وها هو ينزل من الطائرة وهذه المرة يوجه نفسه ناحية تمثال الحرية ماذا يفعل ابو الهول انا اتعجب مما يحدث وبالفعل استقبله تمثال الحرية ودارت عجلة الحوار بينهم ووقفت على بعد حتى اسمع!

التمثال ده بتاعنا ..:) -- ابو الهول ..العقل والقوة

تمثال الحرية: اهلا بيك فى حضرة اعظم دولة.
ابو الهول: اهلا..... لبيت دعوتك ماذا تريد؟
تمثال الحرية: اريد ان نتكلم حول الوضع بما انك رمز لكل المصريين وانا كذلك.
ابو الهول: وفى اى شىء تريد ان نتحدث.
تمثال الحرية:اريد انا احدثك عن العنصرية والتفرقة والتخلف الذى يعانيه الشرق الاوسط.
وهنا غضب ابو الهول وقال: العنصرية انتم من اخترعتوا العنصرية والتخلف انتم من زرعتوه فى العالم العربى ولا تقول مرة اخرى الشرق الاوسط فهذه الكلمة تزعجنى.
وفى ردة فعل سريعة من تمثال الحرية: لماذا غضبت وعندما تتكلم عن اعظم دول العالم لا تتكلم بهذه الطريقة
ابو الهول: اكبر دليل على انكم عنصريين هو ردك ايها التمثال لانكم جعلتوا انفسكم اعظم دول العالم دون وجه حق لماذا انتم اعظم دول العالم ؟
تمثال الحرية: لاسباب كثيرة انت لاتعلمها نحن اقوى دول العالم عسكريا واقتصاديا وعلميا وهذا يكفى.
ابو الهول: لانكم اخذتوا كل شىء من حضارتنا طبقتوا كل شىء واحفادى يلعبون فى الطين.
انى اعترف بذلك ولكن هذا لايمنع من انكم عنصريين
تمثال الحرية مقاطعا: لاتقول هذا...... 
وهنا صرخ ابو الهول : اصمت عندما يتكلم ابو الهول عليك ان تصمت وتسمع ايها التمثال على مر العصور مرت مصر وعالمنا العربى بفترات انتكاسة ولكنه عاد من جديد نحن من اوجدنا الطب فى زمن كنتم تعتبرون المرض عقاب من الله نحن ونحن ونحن.......... 
وهنا تمثال الحرية يرد:ابو الهول كل ماتقوله صحيح ولا انكره ولكن فى هذا الزمان نحن الاقوياء ونريد مساعدتكم فهذا واجب الولايات المتحدة الامريكية .
ههههههههههههههههههه وهنا يضحك ابو الهول ويقول: امريكا تساعد عجبى امريكا لاتعرف سوى الحرب والارهاب واسأل اهل العراق وافغانستان هذا ما اتكلم فيه فى وقت كنا فيه اسياد العالم لم نحارب احد تفرغنا لبناء حضارة ووضع منهج علمى وهندسى واعلم ايضا انكم نجحتم فى بناء حضارة وفى الوقت الراهن ولكن لم تتركوا العرب يعيشوا فى سلام وعليك ان تفهم ان من له تاريخ فى يده بناء حاضر وصنع مستقبل وهذا يكفينى ايها التمثال وجاء وقت رحيلى واشكرك على الاستضافة 
وهنا تمثال الحرية: ولكننا لم نكمل كلامنا يا ابو الهول
ابو الهول:قلت لك هذا يكفينى فمات الكلام ايها التمثال وقدر اننى اشتقت الى الجيزة واهراماتها واتمنى ان تأتى لزيارتى كى اعرفك على مصر والمصريين .
تمثال الحرية: افعل ماتريد ولكنى سعيد بلقاء رمز عظيم مثلك بالرغم من كلامك ........
وشكرا على تلبية دعوتى واوعدك اننى قادم اليك فى الوقت القريب.
وفجأه رأيت نفسى امام صورة لابى الهول على جوجل واتضح لى اننى سافرت مع ابو الهول الى نيويورك فى رحلة خيالية من رحلاتى المستمرة وفى هذه اللحظة بدأت فى سرد ما رأيت فى هذه الرحلة الخيالية وقد قرأتموه فى السطور الاولى.

توقف يا قلمى........
وغدا صفحة اخرى ان شاء الله
محمد الشرقاوى

___________________________________________

صفحة محمد الشرقاوى على الفيس بوك اضغط هنا

من هنا ابتدى المشوار ....!

وابتدا وابتدا وابتدا المشوار ... دا كلامك...:)

وزى ماكل الناس بتقول اننا عملنا ثورة وهى بالحق ثورة ولكن هى يعنى ايه ثورة شعبية...

اعتقد انها بتكون تطهير شامل وكامل ومكمل لعملية الفساد ... واولها الفساد اللى فى الداخل اللى هى نفسك يابرنس ..

ايه مش تصحصحوا معايا شويه بقى ...

انتوا فاكرين ان الثورة نجحت ...... اه نجحت انته اتخضيت كدا ليه

بس مش النجاح الكبير يعنى دا كان اختبار نص السنه باقى بقى اختبار اخر السنه ... 

اللى هو اننا نصحى نلاقى كل حاجه تمام

والنجاح فيه ياليل ياليل ... حاجه ايه اوعى وشك من الاخر يعنى مافيش بعد كدا فرحه :D 

المهم خلاصة القول انى انا عايز كل واحد يظبط نفسه داخليا بقى ... يعنى يحاول يطور من قدراته ...(مافيش حد ماعندوش قدرات ..بس اكيد مستخبية شويه - طلعها ياراجل مش هاتخسر حاجه )

وينمى المهارات اللى عنده وكمان نعيش الحريه والديموقراطيه ..صح مش نسوق فيها زى اللى حاصل اليومين دول ..

ياريت كلنا نتغير للاحسن يالا ياشباب كلنا بنحب مصر وبنحب نفسنا ... ترضى ان نفسك تبقى وحشه 

انا عن نفسى ... نفسى كانت فيها شويه وحاشه كدا بس اهو ربنا معاانا بنحاول نظبط بقى 

اشطه يالا هاستنى اشوف نتيجه اخر السنة عايزها تولع ... تبقى  احسن نجاح فى الدنيا

وعلى رأى المثل ..

ثورة ثورة..... الى الامام الى الامام ...ههههه

الله الموفق والمستعان  ....:)

سلام

انا مواطن مصرى وليا حقوق مصرية

احببتها

احببتها

احببتها لدرجه انى اصبحت ملكها

احببتها وتركت قلبى لها

كم من مرات عديده بدونها قد مت

كم من ساعات عديده فى بعدها انجرحت

عشت كما السيف شامخ فى السماء

لكن امامها ... لا استطيع ان اوقف البكاء

ياليتها تسمع ما بداخلى

حتى تعرف انى لها وبدونها لا اكون

صاحبت اسمها فى كل مكان ... لانى هذا ما استطيع ان اصطحبه معى

انتظرتها تقولها لى ... لكنها استكبرت

وانا ضعيف على البوح بما أريد

ولهذا سأظل معها ولكن من بعيد لبعيد

• يعمر بيت اللى هاتتجوزنى دى هاتتظبط حنيه مش هاتلاقى فى الدنيا دى غير على ايديا ههههههههههه

والله يعنى الواحد اكتشف انه سبع صنايع .... ولسه بدور ع البخت ..ويارب مايبقى ضايع
السيدات والسادة الموقر جمعهم ...حته هشام الجخ

☺الى هنا انتهيت وانتظرونى لما ابقى فاضلكم تانى ابقى اكتبلكم حاجات من دى

على الله يطمر فيكم

سلام

╝ههههههههههه كنت هانسى

والله الموفق والمستعان

 

أحببتها ....... هى كدا